《亞洲爆鑊？》
今日po呢個年初至今（YTD）各大股市跌幅榜俾大家，唔係為左散播恐慌，而係為左俾大家一目了然，原來，今次既跌市主要係集中响亞洲，而唔係歐美。因為好多人都有一個信仰（其實包括我）就係任何擾攘其實只要美國佬唔爆既話，呢個世界係無可能出現crisis既，就好似海嘯咁，要雷曼爆喇，咁至會引起軒然大波。
不過話說回頭，呢個世界又無野係一定既。早响1997年既亞洲金融風暴，果陣美國佬都無事，但係全個亞洲既股、匯同債市都有災，好多人仲冚家產埋添。咁岩依家聯儲局收水，萬劍歸宗，加上阿侵又玩貿易戰，美元獨強，鏈緊晒新興市。所以，粉絲們不得不防類似既事件發生，而咪大安旨意美國佬唔爆鑊就會無事囉！
Search